Menu
حضارة

رنين رحّال ونشأت ملحم ماتوا بردانين

نشات

خليل غرة

في حدا قتل رنين رحال، بلاش نحكم عليه ونقول إنه مجرم، خلينا نستنى شوي. بدنا نعرف شو دوافعه وشو بفكر ؟! بلكي..

أكم حدا بلع ريقه وقال شو هاد القرف الي كاتبه ؟! نفس الاشي - مع إختلاف الحالة والسياق، لكن بلعنا ريقنا وصُدمنا من كميّة الإصرار ع "حقنا نسأل" حول دوافع نشأت ملحم، بدنا نعرف !

الرصاص بخوّفش، والسكاكين بتجرحش والبرد بنتحمله.. بس الصعب والخطر والمُقلق هو انه جماعة مُعينة تناقش قضية تدور في فلك تناقضها المركزي مع استعمار ما - تحمل رؤيته للقضية وتتنقل بين سيناريوهاته وتفرض منطقه، وتطرح ادعائاته..ما تتفق إنه نشأت شهيد وهون ما في مكان لجُمل مثل (الاختلاف شرعي) - لكان الي قتل سُهى منصور ورنين رحّال مش مجرم، بنفع نقنع الناس إنه بطل ؟ أكيد لأ. زي ما إنه "إسرائيل" مش رح تقدر تقنعنا إنه مش شهيد، بس هي بارعة بسياسات الضبط وقتل الأمل والانعتاق من الذاكرة.

بعدما ما أعلنت "إسرائيل" (لمن إنتظرها حتى يعرف "الحقيقة") إنه العملية هي عملية فدائية على أساس قومي وأكدوا ذلك إنه تلفون نشأت يحمل صور وفيديوهات عمليات وشهداء، هل ما زلنا نبحث عن دوافع ؟!