Menu
حضارة

صباح فلسطين وشعبها

صباح فلسطين وشعبها

عبد الكريم نمر زغموت

صباح فلسطين وشعبها .

اجتماع ثوري امام دكانة ابو السعيد

ابو السعيد: والله يا اخوان الوظع بطمنش، مبينة روحت ... شكلهم رح يظموا الظفة، ويعملو دولة ب غزة وسلامة تسلمكم

ابو جبر: طول ما كياداتنا جهة بتتعشى على حساب السعودية وجهة بتفطر على حساب تركيا وجهة بتتغدى على حساب إيران ، عمر هالوطن ما بيشوف الخير

ابو خليل: يا زلمة كال شو : يوم بجتمعولك بتركيا، يوم بجتمعو ب مصر ، يوم مش داري وين. ونازلين فت بمصاري هالشعب سفرات وفنادك واكل وشرب وحراكة حرسي، وبالاخر تيتي تيتي مثل ما رحتي مثل ما جيتي والشعب بزيد جوع وفُكر .

ابو السعيد: شو ناقص عليهم يا سيدي، كل واحد عنده استثمارات برة بتعيشه هو وعيلته وأولاد اولاد أولاده ليوم الدين. خربت البلد بحمل حاله وبطلع منها وخليها تخرب على روس هالفكرا

ابو جبر: ع راي المثل: تجوزنا تا ننستر ساق الله ع ايام الفظيحة. عاليوم لو ما رجعنا ...وظلينا فدائية مشردين من لبنان لتونس للجزائر عالكليلة بكا عندنا كرامة يا زلمة. بكالنا هيبة ... شوف لوين وصلتنا أوسلو وكياداتها.

ابو السعيد: بلا أوسلو بلا ( .....) تخلينيش اطلع عن صوابي. هاي اتفاكية الذل والعار. ظحتشو علينا فيها ، بند واحد ما نفذوه منها بند واحد عشان يثبتو حسن النية.

بس شاطرين رايحين عالمفاوضات وراجعين من المفاوضات. ٢٥ سنة يا رجل لو بنتفاوض مع الشيطان كان اسلم

ابو خليل: يا خيي ليش نلوم ونعتب على اسرائيل ؟ اذا فتح وحماس مش عارفين يتفاوضو وينهو هالانكسام اللي ظيع البلاد فوق ما هي ظايعة. متكاتلين عالتشراشي وكل واحد بدو يعمل حاله راس وفش وطن يحتشمووووه. دود الخل منو فيه يا عمي احنا شعب فارط كبلنا بكيادات فارطة تؤمر وتنهي علينا،

اذا ما نظفنا وصفينا كلوبنا وعرفنا مين نولي علينا ، ولاااااا عمرنا بنشوف النصر. وهاي لحيتي اذا بنطلع بشبر ارظ من هالبلد

ابو جبر: كركعتولي راسي كومو خليني اغلبكم بدك شدة. واللي بوكع من السما بتتلكاه الارظ.

كال له يا كرد بدي أسخطك.

كال له اتشثر من هالسخطة فش ...

هينا كاعدين ومستنيين تنشوف اخرتها.

عن الصديقه ....