خلّي الشّوق كلمات خليل عابد 

خلي الشوق أمل يسري بزنزانة ويرسم بسمة ع شفافك 
بكره الشمس راح ترخي جدايلها مثل حطّة على كتافك 
 
 مثل مهرة إلك تجري عشق  تصهل وتتغزل بأوصافك 
وتزف الخبر لإمك وتتعلق ع باب الدار وتضويلك 

خلي الشوق .. خلي الشوق .. خلي الشوق .. 

  كم مرّة الشمس مرّت على سجنك وكتبت ع المجد إسمك 
وفيك جروح ما قرت بأسرارك ولا بتبوح لخصمك  

 يا عين إمك إلك سهرت وما تدمع وضمت ع القلب رسمك 
داويت الجروح بجروحك وبتساهر وطن قلبه  يغنيلك 

 خلي الشوق .. خلي الشوق .. خلي الشوق ..

 ويسألني الشجر عنك ما روّح ظريف الطول هالأسمر 
آه يا الغالي لو إنّك توصّلّو سلام الشّوق المعطّر

 يا الغايب أنا منك تعلّمت الوفا وبالأرض أتجذر 
لفرشلك أنا ظلّي ليوم تعود وأظلني أناديلك 

  خلي الشوق .. خلي الشوق .. خلي الشوق ..

 خلي القيد يظل يسمع نبض حبك لزيتونة تناديلك 
خلي السجن ما يهجع وهِزّو بصوت حرية مواويلك  

  راسك عالي ما يخضع وبيلامس نجوم الليل ويجمعها 
تطلق روحك الحرة تطوف  بلاد مشتاقة تناديلك 
 
خلي الشوق .. خلي الشوق .. خلي الشوق ..

غنى هذه الأغنية ولحنها : فرقة بلدنا - كمال خليل