ابوي فوق المية بسنتين بحب اناقشني بالسياسة ولما احكيتلو ان القدس راحت سألني شو يعني راحت هي كانت وين ؟!
ما فهمت سؤاله
شو بتقصد يابا ؟
انتو يا متعلمين بتفكروا القدس كانت معنا ؟! هي معهم من زمان .
وراح يحكيلي عن ايام زمان
وقال : بس ما تقول ضاعت يابا .. ما في ايشي بضيع
قلتلو يا ريتني متعلم زيك وافهم شو بتحكي
وراح يحكيلي عن القدس من ايام زمان .. ايام ما كان ابو ترامب لسا ولد صغير
( ابوي بصبح عليكم وبقولكم ما في ايشي بضيع )
